علمتني دنيتي معنى وعلمتها ألف معنى

بسم الله الرحمان الرحيم
السلام عليكم ورحمة الله وبركاته
والصلاة والسلام على خاتم الأنبياء والمرسلين نبينا محمد وعلى آله وصحبه ومن تبعه بإحسان إلى يوم الدين أما بعد
(((الحياه قصص ومواعظ والسعيد من إتعظ بغيره والشقي من إتعض به)))
جلست اليوم وأحسه غير عن كل يوم !!!!!!!!
أحسه يوم أبحرت فيه بذكرياتي وقلبت أوراق الزمن وأيامه أشيل أوراق وأحط أوراق
وأشق أوراق وأضم أوراق وأوراق أوراق أوراق غصب عني أضيعها عشان لا تضيعني
بأسى أو حزن ماله مبرر لأنها صارت قديمه وحبرها باهت باهت باهت!!!!

أوراق الطفوله
وش هي الطفوله بأوراقي ؟؟؟!!!!!
الطفوله
ألف معنى للسعاده والمحبه والوضوح
الطفوله أوراقها خضراء سطورها نور وأمل كانت مزيج من البراءه والبساطه كانت حلم
وردي نعيشه بكل مافيه من جمال نعيشه حب نعيشه طيب نعيشه عالم ٍ ثاني !!!!
الحلم
أجمل حلم نحلم به صديقه نمشي معها على خد الزمن نضحك نزعلها وتزعلنا على لعبه ونراضيها وتراضينا بألعابِ!!!!!!!!
وكانت أكبر الأحلام متى نكبر متى نكبر متى نكبر !!!!!
الشوق
عرفنا الشوق من بدري عرفنا الشوق للغايب متى ماجاء صدرنا إرتاح عليه و طاب
عرفنا الشوق للفرحه على إنها ماتفارقنا ولكن نطمع بأعياد تجمعنا أهل وأحباب بدون
عتاب أو أسباب !!!!!!!!
وأكبر شوق عشنا به لسجاده فرشناها دعينا الله يوفقنا ينجحنا يحقق كل مطامعنا نبي لعبه نبي طلعه نبي أي شي بس ينجاب !!!!!!!!!!!!
الدموع
ههههههههههه هذي حكايه لوحدها
سلاح محلل فلوسه خخخخخخ
إذا منا بقينا شي لو تافه وأحد جرب أقول جرب بس يمنعنا تجيه دموع يجيه إزعاج تجيه أصوات يجيه اللي يجيه بس لا يحطمنا !!!!!!!!!!!!
يوم السبت يشوف الجار شلال برى البيت وبعدها نطلع بمريولنا نبكي شرايطنا شرايطنا نسيناها نبي فسحه نبي دفتر نبي أقلام نبي أي شي بس يكشخنا !!!!!!
يوم الأربعاء يشوف الجار برى المدرسه شلال نبي الأبله نبي الكرسي نبي الطبشور نبي أي شي بس ندرس فيه ويجمعنا !!!!!!
وأقسى موقف بالدمع عشنا به
وفاة قريب سطر من معاني الحب ألف كتاب على فرقاه عذبنا !!!!!!!!

المراهقه
حلم تحقق من سنين اليوم صرنا كبااااااااااااااااااار كباااااااااااااااااااار كباااااااااااار
وياويل اللي يصغرنا !!!!!!
اليوم شفنا عالم ثاني بنات أكبر مكان أكبر هدف أكبر أهم شي كلنا نكبر !!!!!
يايما بنتك لها حاجات لها أغراض يايما لا أشوف أحد ٍ يقربها ونحط إنذار على جدران على البيبان على الشنطه أهم شي إنذار !!!!!!!!!!
الحلم
أجمل شي نلحم به صديقه تفهم الإحساس تعيش بدواخلنا صديقه أخت عضيده تعيش كل شي وتكون أوطان !!!!!!!
وأكبر حلم نحلم به هدف نرضي به الرحمان !!!!
بنينا للعمر مره وهدمنا ألف هالبنيان !!!!
تشتتنا بين الحلم والواقع نصدق من ونكذب من غريبه عالم الإنسان !!!!
الشوق
مازلنا نشتاق لكن هالمره غير هالأشواق !!!
ساعه شوقنا لبكره وساعه شوقنا للأمس وساعه مالفانا إحساس!!!
نشتاق نلعب نسلي خاطر ضايق ومع إنا نظل نلعب ونلعب لين يطيح مافي الراس!!!
ولكن اللعب باهت ماعاد يشيل أي معنى عرفته الناس!!!!
وأكبر شوق عشنا به لسجادة فرشناها دعينا الله يوفقنا ينجحنا يجملنا نصير أجمل وأجمل من أخت ريماس !!!!!
الدموع
هذي حكايه لوحدها
سر نشيله بوسط أهداب العيون!!!
صارت تجي بمعنى ولا تنزل على شي يهون !!!!!
صارت تجي بوقت سخيف وتغيب عنا بوقت عون !!!!!
صارت مهمه تترجم إحساس وشجون!!!
وأقسى موقف بالدمع عشنا به
قلب رفعناه فوق الناس سنين وبلحظه يخون !!!!!
الشباب
مرحلة تحقيق الأحلام !!!!
اليوم اللي إنتظرناه من سنين وكنا ننام ونصحى ونقول بكره نكبر ويجيب الله المرام!!!
اليوم اللي تهيئنا نبي نحصد زروع سنين زرعناها بحب و وئام!!!!!
ترانا اليوم تخرجنا إيه تخرجنا نبي نشوف دنيا الناس نبي نطلع ماعدنا صغار تحضنا مدارسنا حملنا العلم ونبي ننشره عز إسلام !!!!!
الحلم
أجمل حلم نحلم به
وظيفه تحقق الآمال ونبني فيها مستقبل بلد وجيل واعي !!!!
وتعيش أحلام وتموت أحلام ومع هذا نظل نحلم وتضيعنا الأماني!!!!
وأجمل حلم نحلم به
نرفع راية الإسلام فوق عالي شموخ إنسان حمل بصدره كل معنى للحياه وللتسامي!!!!
الشوق
نظل نشتاق نظل نشتاق نظل نشتاق نبحر ونضيع المرسى!!!!
نشتاق للأمس ألف مره ونخاف مليون من بكرى!!!!!!
نشتاق لأحباب خذتنا الدنيا بعيد وخذتهم بعيد وصاروا ذكرى!!!!
نشتاق للبراءه بعيون طفل يشوف دنيانا حلم يسوى!!!!!!!
وأكبر شوق عشنا به
لسجاده فرشناها دعينا الله يوفقنا يزوجنا بخير رجال من عنده نشوف أطفالنا تكبر ويكبر
حب كتابه بصدرهم يبقى !!!!!!!!!
الدموع
هذي حكايه لوحدها
تنزل تطفي نار بوسط الضلوع مولعه!!!
تنزل بدون شعور نحتاجها بأوقات جدا مظلمه!!!
تنزل نعم تنزل بعزه وشموخ ماهي على كل شي تجينا مسرعه !!!
تنزل درر فوق الخدود تزين وجيه ٍ لربها عابده!!!!
وأقسى موقف للدمع عشنا به
يوم سقط قناع الحياه وإكتشفنا زيفها وإنا طول هالوقت كنا نعشق سراب غرنا بحكايته!!!

أخيرا أختاه كل ماكتبته من خواطر قد خرجت والله من قلبي إلى قلبك لتكتشفي زيف الحياه فلا تكوني كالتي نقضت غزلها من بعدما تعبت في غزله !!!!!
أختاه أنتي وأنا وهذه وتلك قد مررنا تقريبا بنفس مراحل الحياه وقد سبقنا أناس قبلنا هم الآن في مراتع الدود تحت التراب في القبور وليس لهم إلا العمل الصالح فهو زادهم في رحلة العمر ومن ضيع منهم زاده ينظر إلى أهل الدنيا بحسره يتمنى أن لو يرجع قليلا فيصلي ويعبد الله ولو سجدة واحده وبعدها يموت!!!!!!!
وبنظره الخائف الوجل يستجدي أهل الدنيا لعلهم يتذكرونه فيترحمون له أو يتصدقون عنه !!!
أختاه إنك في إختبار فإتقي الله في نفسك فإتقي الله في نفسك فإتقي الله في نفسك !!!
فإن الحياة سوف تغرك كل ماإنتهيتي من مرحله شدتك إلى أماني أخرى وأحلام أخرى حتى يوافيك الأجل وأنتي غارقه بين حلم ٍ وشوق ٍ ودمع!!!!!!!!!!
أنصحك بسماع شريط الأماني والمنون !!!!
بنات شفن توقيعي وإدعن لأبوي الله يجزاكن الخير كله وإدعن الله يحقق حلمي ويعفو عني وعنكن
أختكن في الله
وجااااااااااااااااااين

كلماتك وجونه

اشعلت نار دموعي لتلهب الخدود

وجونه

كلماتك اسمعت كل المشاعر

اهات

واهات

كلماتك

رسمت للعيون طريق الصواب

واشعلت انواره

وجونه

ماتعرفين قد ايش اثرت فيني

هذه الكلمات الصادقه Crying or Very sad

ولكن ماعساني ان اقول

الا

الله يسعدك في الدنيا والاخره

والله يجعلك من الصالحات

المؤمنات

الطائعات

واللهم يحقق لك كل ماتريدينه

ولاتحزني فالله ماوضع بلاء الا له

رحمه وغفران فاحتسبي

كل هم ومصيبه ومحنه انتي فيها

وجونه

والله مايهون علي اني اشوفك حزينه

ابدا

ابدا

ادعي الله بخالص قلبك

وان شاااااااااااء الله

يحقق لك مرادك

بس

لا تستعجلين

طيب

وصية محبه

الله ياوووجونه

كلام بجد مؤثر بس بنفس الوقت في نووع من الأمل

وبإذن الله يتحقق مرادك ومراج كل إنسانه طيبه بهذا الزمن العجيب

ويارب يحفظنا من كل شر

وجوونه يعطيك العاافيه على ما كتبتي ولا تحرمينا منه

انتظر كتابتك بكل شوووق

!!!

بنوته تركوازيه مشكوره ياغلاي على المرور الراااااااااقي
الله يجزيك جنانه يالغلا
**********************
سارونه يالذووووووووووووق
جزاك الله جنانه على المرور الراااااااااقي يالغلا