تبين تعرفين تطبخين المنسف ......... تعالي ( بالصور )

بسم الله الرحمن الرحيم

السلام عليكم ورحمة الله وبركاته

اخوتي حبيباتي

انا اليوم جبت لكم اكله

مشهووووووووره عندنا

والكل يحبهااااااااااا

اكيد من العنوان عرفتوها

طبعا هذي الاكله تكثر ايام الشتاء

وايام العزايم الكبيره تفضل على الكبسه اذا عملت بالبيت << لها شعبيه

هذي اول مره انزل موضوع من مطبخي

المهم

نجي للمنسف انا هنا مسويته بالدجاج لانه غداء او عشاء عائلي

بس اذا فيه ضيوف واكله رسميه تنعمل باللحم

طيب نجي للمقادير

دجاجه مقطعه اربع قطع منزوعة الجلد

بصل مفروم ناعم

زيت قلي

ملح

بهار مشكل

فلفل اسود ( على حسب الرغبه)

اربع حبات بقل ( له عدة اسماء مضير - نجيش - جميد )

خمس حبات بطاطا مقشره ومقطعه اربع قطع طوليه ( اختياريه اذا حابه تحطيها والا لا )

واحد فص ثوم

ملعقه واحده صغيره نعناع يابس

ارز مصري مغسول ومنقوع ربع ساعه ( الكميه اللي تكفيكم )

............ للــــــــــــــــــــــــــزينه ...........

خبز صاج ( شراك )

بصل شرايح محموس

لوز - صنوبر محموس

بقدونس مفروم

الطـــــــــــــــــــــــــــريقه

انا في البدايه ما صورت اول ما طبخت لاني ماكنت ناويه انزلها

بس ان شاء الله تفهمون عليه

اولا تجيب القدر وتحطي فيه البصل وثلاث ملاعق اكل زيت وتحركيه على النار لما يبدأ لونه يتغير

وتضيفي الدجاج وتحركيه شوي لما تحسين الدجاج تغير لونها شويه مو كثير

يعني خمس دقايق

وتحطين عليه ماء مغلي الى ان يغطي الدجاجه

تضيفين البهار والملح والفلفل الاسود ( على حسب الحاجه والرغبه )

وتغطينه وتتركينه الى ان يستوي الدجاج ثلاث ارباع استوى <

علشان اذا استوى مره راح ينهري وانت باقي لك البطاطا واللبن

اللبن كيف نسويه

طبعا زي ما انتم عارفين انه اول العالم تطبخ ب لبن الربيع << بس انقطع

وطبعا ماراح نتوقف رحنا للبديل الطبيعي

اللي من عصر اجدادنا وهو

البقل ( طبعا هذا اسمه عندنا بالشمال )

وهذي صورته

وهذي من قريب

طبعا تقومين عليه وتدقينه بالنجر لانه شوي قاسي

وتنقعينه بماء حار لمدة ربع ساعه

وبعدين تضربينه بالكوب الخلاط وتصفينه

وراح يكون سائل غليظ

زي كذا

الحين نروح للقدر الثاني

تجيبي طنجره وتحطي فيها ثلاث ملاعق زيت قلي وتحطيها على النار

تصفين الرز من الماء لما يحمى الزيت حطيها في القدر

وقلبي وضيفي الملح عليها ( على حسب الرغبه ) وحركي الرز لمدة خمس دقايق

وبعدين ضيفي الماء عليه الى ان يغطي الرز وتركيه لما يبدأ الغليان وبعدين وطي النار عليه

وكل شوي شوفيه اذا استوى والا لا ترى ما ياخذ وقت طويل

وراح يكون كذا

نجي لقدر الدجاج

طبعا الحين راح يكون الدجاج استوى نضيف عليه البطاطا

ولما تستوي البطاطا

نضيف اللبن

ونحرك بسرعه على شان ما يتقثرد ولا يفرقط اللبن

بمعنى

لما تضيفين للماء المغلي لبن المراعي كبف يكون شكله ؟؟؟ يخرب الماء تحت واللبن تفتت فوق

انتبهي

طبعا البن اذا كان غليظ خففيه بالماء وعلى حسب الذوق

طيب بعدين تدقين فص الثوم مع النعناع

بعدين تضيفينه على اللبن قبل ما تطفينه بخمس دقايق

وتتركينه يطبخ مع التحريك خمس دقايق

وتطفين عليها

نجي للتقديم

تجيبين صينية الاكل وتغطينها بخبز الشراك

وتحطين الرز فوقه وتعملين في الوسط زي الحفره

تحطين الدجاج والبطاطا

تجيبين خبز صاج مقطع وتحطينه فوقه

بعدين تزيني بالبصل واللوز والصنوبر والبقدونس

وتقدمين اللبن بجنبه ومعه مغرافه للصب او الغرف

وبسم الله

لا اوصيكن بالخمسه

وهذي الصوره بعد الهجووووووووووووووووووم

ان شاء الله يعجبكم وينال رضاكم

اسفه اذا طولت عليكم بالكلام لاني احب التفصيل <<

مــــــــــــــــــــــــــلاحظه

ما راح احلل اي وحده تنقل الموضوع بدون ذكر المصدر

لاني تعبت وانا اصور والا اغرف الاكل

امممممممممم
شكلها لذيذه
مرررررره
بس للاسف ماطلعت الصور

يعطيك الف عافيه حبيبتي على المجهووود cheers

يم يم يم يم يم يم يم

يسلمووو والله يعاطيك الف عافيه

ياعسل والله خطيررررررررررررررررره

وتجنن

لالالالالالا لازم اجي عرعر

شي ما ينسكت عليه

lol!

ماشاء الله باين عليها مره لذيذه

أنا ما عمري أكلتها بس شكلي أبي أجربها

شكلها مره حلووو
مشكوره يا املي على الموضوع

أمول طول عمري أسمع فيها ولا أذووووقها
واليوم من الصور إشتهيتها
ماشاء الله عليك طباااااااااااخه
أمول إذا عندك سطح طمري عليه وكذا طمري على كل السطوح إلين تاصلين الشرقيه
وتعطيني الطبخه
هههههههههههههههههههههههههههههههههه
أمول وإذا عجزانه مره طمريها من سطح لسطح والناس تلقفها إلين توصلينها لي هههههههههههههه

الله يعطيك العاااااااااااافيه شغل متعوب عليه

شكلها حلووووووووووووووووووووووووووووووه

ان شاء الله اسووووووووويها

امووووووووووووول شهيتيييييييييييني يالدوبااااااااااااااا

انا سويتها مره بس احس طريقتك احلى من طريقتي بجرب واشوف

تسلم يدك حبيبتي