[]
اهلين بناااااات
وصلني ع الايميل سواالف حريم حلوووه تضحك
فحبيت انكم تشوفونها
لأني حسيت انها تصير في حياتنا اليوميه
وتضحك
ان شاء الله تعجبكم
اترركم تقروونها بنفسكم
[/]يا ان جدول نومي خرباااان وحااااايس .. أمس من بعد الفطور نمت و لا صحيت إلا الساعة 3 ونص الفجر و يااادوب تسحرت و كملت الباترون اللي لازم أسلمه و راجعت المحاضرتين الأخيرات حق الكوز و طبعت الأسايمنت و نجزت أموري ..
عاد وأنا أكمل الباترون و تعرفون شغله استقعاااد .. كل شي بالمسطره .. تذكرت اني مقفله جوالي من العصر .. قمت فتحته وخليته على جنب ورجعت أكمل .. انخرش قلبي على صوت الجوال .. قطع علي هدوئي وجوي ..أشوف ولا مسج من عمتي زبادي ( طبعا زبادي اسم عمتي بجوالي ) >> جوالها ما تلقى فيه ولا اسم صريح >>> المهم الرسالة مفااادها ..
( أكاذيب لا تخلو منها مجالس الحريم ) :
1- أنا عيالي مطفشيني .. ما ياكلون زي عيال الناس ..
2- زوجي عيّا علي ..
3- أنا نظيفة بطبعي ولا أصبر على الشي الوسخ ..
4- أعرست وأنا صغيره ..
5- تعباااانه و متليشه ..
6- أنا أول كنت رشيقة ومزيونه بس من العرس و حمل وولادة خربت ..
7- ما فيه بالدنيا مره تصبر صبري ..
8- من أمس ما نمت إلا ساااعة ..
9- كل ما أروح لعرس يخطبوني يحسبوني بنت ..<<
رديت عليها بمسج .. وتوالت المسجاات لين دقيت عليها قلت تراني مشغوله وأشغلتيني ..
المهم ..
فعلا .. مجاااالس الحريم .. أنوااااع الأرااانب .. عاد إذا كانت جمعة نسوان الحارة عندنا ذاك اليوم أفرح !! ..لأسباب ..
أولها .. أحمد ربي اني بااااقي ما أعرست ..
ثانيها .. يرسخ فكرة العنوسة في رااااسي ..
ثالثها .. يكشف لي الجانب المتناقض والأسود في شخصياتنا ..
رابعها .. تجد حالات خصبة تستحق الدراسة و التأمل في مكنوناتها النفسية ..
وهلم جرا ..
مثلا مثلا يعني .. ( وهذي كثير تصير و دااااااااايم أسمعها ) تجيك وحده تتكلم في مجلس وتحش بفلانة وزوجها .. وهااااات .. فلانه كل ما تقول لزوجها شي قالها يالبيه .. وحاااضر ومن عيوني .
. ليه ما عنده شخصيه ؟ ... هي أصلا متسلطة .. وشلون يرضى على نفسه وهو رجال .. ( الحين انه قالها حااضر صار مو رجاااال !! ) .. و استلموا من هالكلام .. بعد كم يوم .. وينك يالوحده ( اللي كانت تحش ) .. ما جيتي أمس على قهوة علانه .. قالت : شاااايب الغفلة ما رضى لي ( تقصد زوجها ) .. مالت على حظي بس
.. أنا الله مسلط هالرجال علي ..
ان قلت يمين قال لا.. شماااال .. ليته مثل زوج فلااااانه اللي كل ما قالت له شي قالها آآمري ..!!
طيب هالحين يالنصاااابه
أمس وانتي تقولين ماعنده شخصيه ومو رجااال .. شلون الحين تبين زوجك يصير زيه !! طبعا هذا الجانب المتناقض .. والسوداوية في شخصيتها .. أقدر أقول انها ما حشت في فلانة المسكينة إلا وهي غيرااانه منها !
من كم يوم كلمتني بنت عمتي اللي تزوجت في الإجااازه .. تقول لي يا فوفو لا تغلطين غلطتي وتتزوجين
.. !! ليتني عنست معك .. !! كل يوم مدري من وين ألاقيها .. كل يوم أشكااال وأنواااع الاتصالات ( الاتصالات ولا موبايلي ) .. وكلن يسأل هاااه بشري ما حملتي !؟
.. عسى أمه مو منكده عليك !؟ ..ساكنه في بيت ولا في شقة !؟ ..
يخرب بيتكم توي ما صار لي 3 شهور من تزوجت !! ..
أنا ملااااحظه فعلا .. ما تجيب الوحده ولد أو بنت .. ويجون يزورونها لااااااازم لاااازم : ياااحليله ولدكم بسم الله عليه .. ما ناااقصه إلا اخت ولا أخو يونسه !! .
. سؤال يعني .. انتم شايفينها أرنبه .. ولا بسه ..
ولا وشو ؟! .. هذا همكم .. ما تدرون إن العبرة بالكيف وليس بالكم .. يعني بالله الحين عشاااان سوااااد عيونكم خلفت لها قطيع صغير يكفي يسوون فيه دوري .. مين بيربيهم معاها ! .. ومن بيساعدها .. لا تقولون لي أبوهم .. لان تراني طفشت من كلام المثاليات حق ثاني ابتدائي وقصص أحمد وهند وأبوهم وأمهم .. حطوا في بالكم ان مجتمعنا يصير غيررر شكل إذا جت السالفة على الرجال !!
أظن ان المااكسمم يعني و الأفضل كاقتراح من عندي هو 4 أو 5 .. و منيمم 2 وياحبذا توأم ولد وبنت عشان تنجز عمرها المسكينه مره وحده ...
جدتي و جاراتنا و العالم كلها مقلقيني أنا وأمي .. بحكم اني بنت مااامي ودااادي الوحيدة .
. ومتى بتجيبين لها أخت ؟ فوفو طول عمرها عايشه بلحالها جيبوا لها أخت ؟ يا عمري أكيد طفشانه تنام بغرفتها لوحدها .
. متى بتجيبون لها أخت تنام معاها ..؟
وهاااااات ..!! .. كسرت خاطر أمي ومن 4 سنوات حملت عشاني بس عاد جااا ولد .. آآآخر العنقود.... الناس مدري وش كثر تخلف آخر عنقود .. جارتنا – الله يصلح لها عيالها – كل سنه تقول هذا آخر العنقود .. بس الظاهر لآخر يوم في عمرها بتقول هذا آخر العنقود .. طيب الحين أنا شكيت لكم الحال !! قلت أبي أخت ولا إني طفشاااانه بلحالي !! يازين شكل فوفو وهي بينها وبين اختها الصغيره 20 سنه ..شسوي فيها !!
.. هذي ما تكبر إلا وأنا معمره !!
.. عموما أنا راضيه ترا .. لأن كوني الوحيده هذا يعطيني امتيازاااات ما تحلم فيها بنت ..
تدرون إن الزواجات
هي الملتقى الأكبر الذي قام فيه تصفيات زوجات المستقبل و العجايز راااس الماااال .. وبحكم اني غاسله يدي من زماااان من حريمنا و عجايزنا و بديتول بعد.. فصرت ما أروح لزواجات كثير.. حدي حدي الأقارب بس.. و حتى مرة علي فترة مالي خلق السوالف هذي كلها فسحبت على زواج ولد خالتي.. مع أن أمي بذلت كل ما تستطيع و جربت أنواع الحيل.. بس قدي ركبت راسي .. وخل يقولون اللي يقولونه .. معقدة !
.. مو حلوة ! .. مريضة ! ..فيها عاهه !! .. ما همتني الناس هذي كلها ولاقامت عندي ولا قعدت ..
فينا عيب ملاحظ وبقوه .. اننا نعزم القاااصي و الداااني على الزواج .. ناس يقربون لك من جهة بطااااح عم فؤاد وساكنين بحزم الجلاميد ( منطقة في أقصى الحدود الشمالية ) وبحياتك ما شفتهم .. تسوي عرس .. يشرهون عليك إذا ما عزمتهم !!
شوفوا الأجانب ( وحتى أحيانا تلاقي في الشام ومصر) انو العرس يصير عائلي و الكيكة على القد و مو مشكلة ليل أو نهار مغرب .. و البس اللي تبي .. عاااادي العروس تسلم على الناس وتضحك و تفرح مع العالم .. مو أمة محمد مجتمعه في صاله تحسب عليها الضحكة و والخطوة بالسنتيمتر ..!!
يلعن أمها حاله .. كل ما أشوف عروس كذا أقول الله لا يحطني مكانها !!
غير كذا .. الوحده عندها استعداد تتحمل أي شي حتى لو على حساب صحتها مثلا أو راحتها النفسية طالما انه كشخة .. عاااد ليته يناسبها .. !!
على كل حال .. أظن أن المسج اللي وصلتني من عمتي – واللي سببت لي كل هالهواجس – فيها الكثير من الصحة .. و الكلام يطول .. وأنا باقي عندي شغل .. بس ما حبيت أكمله قبل أطيح اللي براسي
ان شاء الله اعجبتكم