عدد الرسائل : 367 جنسيتك : تاريخ التسجيل : 30/05/2008
موضوع: كذا عرفت السعاده وإرتاح قلبي (( سر خطير جدا )) الخميس يوليو 23, 2009 6:33 am
بسم الله الرحمان الرحيم السلام عليكم ورحمة الله وبركاته والصلاة والسلام على خاتم الأنبياء والمرسلين نبينا محمد وعلى آله وصحبه أجمعين ومن تبعهم بإحسان إلى يوم الدين أما بعد... مدخل... كلنا عطشى وندور نبع السعاده ولكن للأسف أغلبنا ضيع طريقه لكني عشت من الدقايق والثواني بهالحياه كثير وهداني الجبار للنبع السعاده ولأنكن خواتي راح أدلكن عليه بس قبلها شوي راح ندوج بدولاب الزمن ونشوف وش داخله كنت ولا شي وبلحظه صرت برحم أمي كانت تنام وماتدري عني وش فيني مافيني أجوع أبكي أنام أصحى ماتدري اللي تدري به بس إني برحمها موجوده من اللي أوجدني ((الله سبحانه وتعالى)) أطعمني ولا طلب منها ولا مني أجر لأنه غني عني وعنها وعن كل مخلوق لكنه أطعمني لأنه الكريييييييييييييييييييييييييييم سبحانه يوم جت تولد بي كانت خايفه على نفسها وعلي لكن لو أختنق وإلا ينحبس راسي وإلا يتغير وضعي برحمها فتتعسر الولاده ماتقدر تملك لي شي وما تقدر تنجيني تبكي تصارخ تنهار تشق عمرها نصفين مالها من الأمر شي لكن من اللي نجاني من هذا كله (( الله سبحانه وتعالى )) طلعت على وجه الدنيا شفتها بلون البراءه درجت فيها وأنا أتعثر بخطواتي ولو أطيح وإلا ينكسر راسي مصيبه لأن عمري حساس سنه أو أكثر أو أقل وأمي مابيدها شي بيدها تعلمني لكن ماتقدر تحميني من الضرر لو طحت لكن من اللي حماني (( الله سبحانه وتعالى )) دخلت المدرسه وإختلطت بناس كثار منهم الردي ومنهم الطيب ولو أنخطف وإلا أتوه وش بتقدر تسوي أمي وهي بالبيت تحسبني بالمدرسه مع خواتي ولو أصادق الرديه وأضيع وتضيع حياتي أمي مابيدها شي تسويه غير تعاقبني ويمكن مايفيد العقاب من اللي حفظني من الخطف والتوهان والضياع (( الله سبحانه وتعالى )) وصلت أهم مرحله بحياتي الدراسيه ثالث ثانوي وتمنيت أجيب نسبه درست ودرست ولو أرسب وإلا أنظلم و إلا أخاف أجيب العيد بنسبتي أمي ماتقدر تعيني وتعطيني نسبه حلوه زي ماأتمنى من اللي يقدر يعيني وينصرني ويأمن روعتي وخوفي ويعطينها (( الله سبحانه وتعالى )) كبرت وتخرجت من الكليه ودارت بي الحياه وتمنيت أشياء ودعيت بأشياء رموني ناس بسهام مليانه سم وأمي ماتقدر تسوي شي يمكن بتمسح دمعتي إذا شافتها لكن البلا إن دمعتي بروحي مخباه وأمي تعجز عن شوفها وتعجز عن تحقيق مناي لكن من اللي يشوف دمعتي ويعرف مابروحي ويحقق مناي (( الله سبحانه وتعالى )) أأأأأأأأأأأأأخ يادولاب الزمن بعد ماغزا الشيب راسي وأنا مثلي صغيره إكتشفت إن مسبب الأسباب لسعادتي الله العزيز الجبار المتكبر الكريم القادر على كل شي إكتشفت إن مابي منعمه فمن الله سبحانه وحده إكتشفت إني لو أبي نبع السعاده بلقاه بسجادتي ومصحفي تالي الليل إكتشفت إن الله حبيبي ربي مامنعني إلا ليعطيني مابكاني إلا ليضحكني ماحرمني إلا ليكرمني ماشقاني إلا ليسعدني إكتشفت إن كل خير بهالدنيا حصل لي كان بأمره سبحانه ورضاه إكتشفت إن اللي خلقني من عدم وحفظني برحم أمي ورزقني بظلمات ثلاث مايعجزه رزقي وأنا بين مليون نور إكتشفت إن اللي قدر يحفظني ويحميني كل عمري ويحفظ هالخلايق كلها من أنس وجن وملائكه وكائنات منها اللي نشوفه ومنها اللي يخفى عنا لكن مايخفى عنه سبحانه فهو قادر على تفريج همي وقادر على كل شي سبحانه إكتشفت إن اللي خلقني وخلق كل هالمخاليق قادر على رزقنا كلنا مثلما خلقنا كلنا إكتشفت إن الدنيا أرزاق مقسمه وربي سبحانه العدل هو اللي قسمها ومابعد قسمة العدل قسمه أحسن منها إكتشفت إن الضار والنافع هو الله سبحانه وتعالى و لاأحد من المخاليق ولو كنت أحب الناس عنده مثل أمي تقدر تحميني من شي الله كاتب إنه يصيبني ولا تقدر تعطيني شي مهوب من نصيبي فعرفت إن السعاده كل السعاده مع الله سبحانه وتعالى فياغلاي إعرفي مثلي إن اللي تبينه كله مايعجز الجبار سبحانه مخرج...
عدد الرسائل : 534 جنسيتك : تاريخ التسجيل : 31/05/2008
موضوع: رد: كذا عرفت السعاده وإرتاح قلبي (( سر خطير جدا )) الثلاثاء يوليو 28, 2009 4:13 pm
موضووووعك روووووعه مرررررره وفعلا سبحانه هو وحده اللي يقدر يرزقنا ويقدر يمنع عنا وهو اللي يقدر يمنع عنا الضر وكل البشر مابيدهم شي ولايقدرون على شي ولا احد يقدر يرزقك بحاجه ولا انتي تقدرين ترزقين نفسك او تمنعين الضر عنها سبحاااان الله بيده كل شئ وهو وحده القادر على كل شئ سبحان الله مشكووووووره حبيبتي وجووووونه على الموضوع الرااائع .............................
& وجاين& الذوووووووووق كله
عدد الرسائل : 367 جنسيتك : تاريخ التسجيل : 30/05/2008
موضوع: رد: كذا عرفت السعاده وإرتاح قلبي (( سر خطير جدا )) الخميس أغسطس 06, 2009 6:27 pm
حبيبتي تسلمــــــــــــــــــــــــــــــــــــــــــين ويسلم قلبك على ذووووووووووووقك ورقيك في الرد ياحيااااااااااااااتي الله يرزقك من حيث لاتحتسبين مشكوره ياغلالالالالاي
الخميس يوليو 23, 2009 6:33 am
