يمه مريولي توسخ.. (خاطره مؤلمه )

خاطرة في قمة الجمال اعجبتني لما تحكيه من حزن ...
من فقد اغلى من سار على الأرض ..

يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

يمه تعالي ارجعي ...
والله كلامك خلاص بسمع..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح



يمه مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...

يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا






يــمــه
يالله خلاص لاتمزحي
يالله قومي
تعالي معي للبيت ارجعي



يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...


يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
تـ ح ـيآ
حسبتك نــايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..
يله يمه انا بروح وبكره بجي ..

خاطره مؤلمه يبكي لها القلب قبل العين

تحياتي لكم ..

روح الامل كتب:

سلمت يمين كاتبها
ويمين ناقلها

تقطع القلب

الله لا يحرمنا امهاتنا وحنانهم ويجمعنا مع اللي فقدناهم في جنات النعيم
اميييييييييييييييييييييييييييييين

الله يسلمك ياقلبي من كل شر


تسلللللللللللللمين على هالمروور الطيب اللي عطر موضوعي


عساانااا ماننحرم يارب من هالطله


<<وااو شاافوه 12 وحده ولا وحده ردت

غناتي كتب:

يسلمووووووووووو
ربي يسعدك ميموووووووووووو

الله يسلمك غلوووو

ويسعدك كمااان طله رائعه