فتيات راسخات على الحق ضد تيار الغزل ( عبره لمن يعتبر)

والصلاة والسلام على خاتم الأنبياء والمرسلين نبينا محمد وعلى آله وصحبه أجمعين ومن تبعه بإحسان إلى يوم الدين أما بعد
قبل ماأبدى بسرد رواااااااائع النماذج لفتيات قد تربين في زمننا الحاضر
فتيات لم يولدن في عصر الصحابيات رضوان الله عليهن
ولا حتى في عصر التابعيات رضوان الله عليهن
بل في عصر المغريات في عصر الدمار الأخلاقي والإنحلال الفكري في عصرنا الحاضر!!!!!!
لكن بشجاعتهن وثباتهن على الحق بفضل من الله سطرن معاني العفه والشرف والإيباء والكبرياء في صفحات التاريخ الأسود فكانت تلك الصفحات دون غيرها شعاعا من نور تخترق غربة الزمن المظلم !!!!!!!!
قال صلى الله عليه وسلم (بدأ الإسلام غريبا وسيعود غريبا كما بدأ فطوبى للغرباء)
فبرسوخهن على الحق نرجوا من الله تعالى أن يكتبهن من الغرباء

قبل كل شي ياغلاي ودي أحكي لك قصه وخلينا نشوف ياخيه وش نتيجتها بالنهايه
كان في مزارع يشتغل بمزرعه مهيب ملكه يحرث ويسقي ويزرع لأنه هذي المزرعه لها بعد الله فضل عليه وصاحبها بعد الله سبحانه هو اللي رباه وعلمه لين إشتد عوده
في يوم من الأيام قرر المزارع إنه يشتري أرض له وحده ويزرعها ويهتم فيها كود إنها بفضل الله سبحانه تطلع له أشجار ونخيل كثيييييره وكود إنه هالشجر وهالنخل تكبر وتطلع ثمرها وهو ينبسط ويتهنى لأنه قدم شي في الحياه له معنى وله وجود
قرر بكل همه يجمع فلوسه وساعده صاحب المزرعه اللي كان يشتغل عنده وبعدها إشترى الأرض وأول ماشافها إمتلاه دمع مدرار من الفرحه والشوق والحب ضم أرضه بدموعه وبحبه وبرعايته
الأرض طلعت شجرتين ونخله بس
أول شي طلع النخله وبعدين شجرة العنب وبعدين شجرة التوت
وصاحبنا فرح بشكل رهيب والدنيا ماوسعته من الفرحه ومن كثر ماهو فرحان كل المزارعين اللي يعرفهم بشرهم وكان يعتني بشجرتيه ونخلته ومع مرور الأيام صاحبنا ألهته الدنيا عن أرضه وأشجاره على إنه كان متشوق لشوفة نتاج عمره وأيامه يكبر قدام عينه لكنه اهملها فجأه حتى الأرض نفسها ماعاد يهتم فيها
النخله تحملت الإهمال وصبرت وصارت تحافظ على المويه بجذورها وتحاول قد ماتقدر إنها تبقى صامده لكن المشوار طويـــــــــــــــــــــــــــل على ماتثمر خصوصا إنها فاقده رعاية صاحبها مع مرور الدنيا النخله سعفها إصفر وتقريبا أوشكت على الهلاك
شجرة العنب إحتاجت المويه مثل غيرها لكنها كانت أذكى من الكل وتسلقت على أغصان نبته بالمزرعه الثانيه قريبه منها مره وعاشت حياتها بهمه ونشاط وتكيفت مع الظروف القاسيه اللي مرت فيها بدون ماتيأس شقت طريقها للحياه للنور للشمس
شجرة التوت كانت حلوه ودلوعه فإغترت بنفسها قالت أنا أحلى وحده هنا وأصغر وحده ليه أحطم عمري مثل هالنخله العجوز وليه أتعب عمري مثل هالعنب الخبله شاطه عمرها تتسلق وتمد جذورها ومدري وشو لا خلاص أنا إذا صاحبي ماإهتم فيني راح أدور مزراع يهتم فيني بالطيب بالغصب راح يهتم فيني
والأرض بكل حزن تشوف اللي قاعد يصير وتتحسر على حالها وحال شجرتيها ونخلتها مابيدها حيله لأنها للأسف بهالموقف سلبيه هي إحتوت لكن ماقدرت تحمي !!!!!!!!
المهم رجع أخينا في الله المزارع رجع لمزرعته بعد ماهدته الدنيا ولا صار قادر إنه يحمل فأس أو يسقي زرع
رجع وليته مارجع لأنه رجوعه وعدمه واحد رجع عشان يكتشف الدمار اللي خلفه إهماله وإهداره لحقوق أرضه وشجرتيه ونخلته
تقدم من النخله وسألها يانخلتي يابعد قلبي وش بلاك إصفريتي كذا ومرضتي قالت له ياغلاي أنت السبب أنت اللي أهملتني ويوم قرب يوم وداعي جيت تسأل ليه
العمر ضاع وباقي الوقت محسوب
يالأادمي غرتك دنيا الثواني
لم لم حسرته بآه وقهر ولكن ولات حين مندم ( حين لاينفع الندم)
توجه بحب لشجرته الصغيره عله يشوف الشباب فيها بعد ماشاف الكبر بنخلته ولكنه تفاجأ وإنصدم مهيب موجوده سأل الأرض وين التوت وينها وينها سكتت الأرض وصمتها شوي ويقتله ثم شاف مكان شجرة التوت معلم على خد الأرض بآآآآآآه وحسره إيه هذا مكانها وينها وينها شوي وتجي شجرة التوت لكنها للأسف كل الجمال اللي فيها طفى وعلا لونها شحووووووب وإكتساها سواد بكى بكى بكى لين روحه بقت تطلع مع بكاه وسألها وين كنتي قالت وش تبي أنت تو الناس تذكرنا قال بصوت أعلى وين كنتي جاوبيني ليه إنطفى لونك كذا قالت أنت ماإهتميت فيني لكن أنا بطريقتي لقيت من يهتم فيني ويرعاني طاح على الأرض من هول ماسمعه وشجرة التوت أقفت وهي تردد
أنا الجاني وأنا المقتول بيدينك
أنا طفله عجزت إنك تربيها
بكى من كلامها زود وبهاللحظه جت شجرة العنب وقالت له قم ياغلا الناس كله قم ياجعل روحي فداك هو ناظرها بحب ولكنه بكى وقال يابعد روحي كيف أنتي من بدهن صمدتي قالت بإبتسامه من شعاع الطهر أنا حفظت نفسي بغيابك وتحملت الصعاب قلت لا بد يوم وبيرجع وتمتلي حياتنا نور من جديد أنا أذبح قلبي ولا أكسر قلبك يالغالي
إستبشر خير وسجد لله سجود شكر وقرر إنه بحياته كلها مايزرع غير شجرة عنب شجرة عنب شجرة عنب

ياغلاي ممكن تستغربين وش دخل كل هالكلام بالموضوع أصبري وبأفسر لك الشخصيات
المزارع: الأب المهمل اللي مارعى حق الله في بناته ولا إهتم فيهن
الأرض: الأم اللي كانت سلبيه بكل تصرفاتها وماعندها غير التحسر على حالها وحال بناتها بدون حتى محاوله لتصحيح الخطأ
النخله: البنت اللي تعرضت للإهمال و للغزل وصدق إنها ماإستجابت له لكنها إستسلمت لليأس وفقد الحنان ففقدت معاني الحب والفرح وصارت حبيسة الآه والحزن وفكرت إنها بتظل طول عمرها بدون حنان من أب أو زوج أو ولد فقررت الموت البطيء بإنهزامية تفكيرها بالعنوسه فذبلت معاني الأمل بالله وحده سبحانه عندها
شجرة العنب: البنت اللي تعرضت للإهمال وللغزل ولكنها وقفت بشموخ المسلم وعزة المتوكله على الله وحولت كل شي سلبي حولها لشي إيجابي إستمرت في النمو والعطاء تعضدت بصحبة خير ساعدتها على الوصول إلى شعاع النور وطريق الهدى
شجرة التوت: البنت اللي تعرضت للإهمال وماتحملته كيف تهمل وهي صغيره ودلوعه وجمالها كبيييييير اللي مثلها لازم ماتهمل هي مليانه مشاعر حب و رومانسيه و ود
حرام يضيع كل هذا في وسط أهل مايقدرون مواهبها فهي حبت تعطي درس لهلها وترضي غرورها بعد تعرضها للغزل وصارت مع كل من هب ودب تدور الحنان اللي فقدته وللأسف راح عمرها ومالقت الحنان اللي كانت تدور عليه
اللحين ياغلاي إختاري أي نوع تبين تصيرين مثله !!!!!!!!

أدري طولت عليكن وإنكن مشتاقات لقصص بس معليه مقدمه لا بد منها (( القصص من واقع الحياه المعاصره وليست تأليف))
نوووووووووف
بنت أبوها طلق أمها من هي في بطن أمها وعاشت بين جدتين ساعه عند هذي وساعه عن هذيك وطبعا الجدات كبرن على التربيه وماعادن يهتمن بها أبد يعني أهم حاجه تاكلين وتشربين وتلبسين وتنامين وبس أما أي شي ثاني مثلا طلعات وإلا دخلات ماعليهن منها يعني عندها حررررررررريه إنها تطلع على كيفها وتدخل على كيفها وماأحد يكلمها وأمها تزوجت وأبوها تزوج وكلن عايش حياته ((ومضه : قمة الإهمال يجيبون عيال ويضيعونهم))
المهم نوف معي بالكليه مثااااااال للأدب والإحترام عمرها مالفت بذيلها وكان واحد من قرايبها دايم يرسل لها على جوالها بإنه يحبها ويخربط عليها هي ماصدقته قالت أكيد هو يلعب (((سؤال لو وحده تكلم شباب وش راح تسوي بوضع نوف)))
وإستمر بأكاذيبه وألاعيبه وهي ماترد عليه أحيانا ترد رسايله بشكل رسمي بحسب إنه قريبها لكن نصحناها باللإبتعاد عنه وماشاء الله عليها إمتنعت وتركته وماعادت ترد على رسايله
لكن من جد اللي تكلم كله تقول أنا فاقده حنان وهو جا و عوضني طيب نوف كانت بوضع أسوأ من وضعك ومع هذا ثبتت على الحق
فعلا يانوف راسخه على الحق بإذن الله

نجووووووود
بنت معروفه بجمالها وأخلاقها ماشاء الله عليها كانت قدوتنا بكل شي لأنها تحب النصح وأفعالها تتوافق مع شخصياتنا وتفكيرنا على إنها لها شخصيه قويه وجامده لكن سبحان الله تألف أرواح
نجود بيوم من الأيام صار لها موقف مع زميله لنا بالكليه كان موقف عابر ثقلت مزحهها مع وحده من البنات وهذيك زعلت ونجود بطيبة قلبها وفراستها حست إن البنت زعلت قامت تراضيها بطريق غير مباشر البنت إبتسمت وعدى الموضوع وبعد سنتين من هالموقف يعني تونا تخرجنا قامت هذي البنت ((مدري وش أقول أسبها وإلا أسكت)) بكل حقد وأعطت رقم نجود لواحد من الشباب اللي تعرفهم وحضرته أزعج نجود برسايله على جوالها وماخلاها في حالها ونجود كانت تمر في مرحله محتاجه فيها لكلام الحلو والصدر الدافي ولكنها ماشاء الله عليه إسفهته ولا أعطته وجه برغم ضيق صدرها وتكالب الهموم عليها قالت ياربي عوضني صوته حلو لكن يارب إني أخافك
فعلا يانجود راسخه على الهدى والحق بإذن الله تعالى
نجود هنيئا لأهلك بك هنيئا لنا جميعا بك

العنووووووود
بنت من هي صغيره جميله والكل حاط عينه عليها وفيه واحد من قرا يبها يبقى يكلمها بالتليفون لأنه يحبها ويبقى يخطبها وهي رفضت بقوووووه لأنه إسلوبه غلط هذا يبقى يغازل مهوب يبقى يخطب اللي يبقى يخطب يدل الباب ولأنه شاب مايحمل أي صفه تجذبها له أغلبه عيوب ولا فيه مزايا المهم هذا الشاب قام يتهددها ويتوعدها إنه راح ينشر رقم بيتها عند كل الشباب اللي يعرفهم وإنه ماراح يتركها تتزوج غيره لأنه ماراح أحد يدق بابها من كثر ماراح يشوه سمعتها وفعلا نفذ وعوده وتهديداته وعاونته أخته
((يالله لك الحمد عقووول)))
المهم والبنت صارت سمعتها في الحظيظ حتى صديقاتها يألفون عليها إنها تطلع مع شباب ومسكينه حتى النسوان بالمجالس تكلموا عليها بإنه الجمال مهوب كل شي أهم شي الأخلاق كلمتها أنا أصبرها وقلت لها معليك من أحد دامك واثقه من نفسك تأكدي الله بينصرك على كل ظالم قالت لي يابنات جمله ترن بإذني من هذاك اليوم قالت ياوجاين أنا ماراح أقول شي بس الكل بيشوف كيف الله بينصرني وباخذ واحد كل بنت تتمناه وراح يسعدني بإذن الله وإذا أنا كذابه الله لا يوفقني
بعدها بكم سنه أخذت واحد كل البنات يحسدنّها عليه وفعلا كانت ملكه بليلة عرسها الله يوفقها ورددت بخاطري الله نصرها لأنها كانت على حق وخافت من عقابه وثبتت على طريق الحق والهدى
فعلا يالعنود راسخه على طريق الهدى بإذن الله

آآآآآخر قصه على إنه في جعبتي الكثير
ولكن أكتفي بماذكرته لعل الله ينفع بماذكر
آآآآآآخر قصه
أحب أحتفظ بإسم راعيتها وبذكر الأحداث
هذي وحده إشتركت بمنتدى مخلوط شباب وبنات ماكانت تعرف وش معناة منتدى مخلوط المهم وكانت ترسل مواضيعها عادي بكل إرياحيه ولكنها أخذت خط إنها ماترد على ولد مهما كان ولو حتى الولد راد على موضوعها يعني بالعربي نهائيا ماترد ولا تكلم شباب
المهم مره إكتبت قصيده ونشرتها بالمنتدى وطبعا كالعاده يردون أولاد وقليل بنات المهم هي ترد على البنات وتسفهه الأولاد إلا تجيها رساله بالخاص من ولد كاتب لها عتاب ليه ماترد عليه وحاط لها الرابط حق موضوعها ((( مفهي بقووووه يعني راح تنسى موضوعها قل العنوان وفكنا خخخخخخ)))
المهم وأنا عشاني جديد وإذا ماتبين تردين براحتك وصدع راسها وقولي لي ومدري وشو (( قاط الميانه يعاتبها بقوه خخخخ)) ملحوظه ترى الولد كان شاعر وصاف بنات المنتدى صف من كثر إعجابهن به وبرومانسيته ؟؟؟؟!!!!!!
المهم هي أرسلت له أنا ماأكلم أولاد قال تعالى (( إني أخاف الله))
رد عليها ((بعد ماكان الحمل الوديع برسالته الأولى ))
رد بلسان ذيب متوحش قال لها أنتي ولد ولا فيه بنت تسوي كذا أنتي وأنتي وأنتي وإطلعي لي برى كان فيك خير(( يمكن يقصد برى الشاشه ههههههه))) وخرابيط المهم هي طنشته وأرسل مره ثالثه أقول إشترك ياأخوي بمنتديات إسلاميه المهم ماردت عليه وعلى رسايله بعدين صار هو وأخوياه يسمونها بالجاهليه المتخلفه وأيضا بالحاقده لأنهم إعتذروا منها وهي ماردت عليهم فقامت وتركت لهم المنتدى
ثبات على الجبال الراااااااسيات

أخيرا يافراشات
بعد كل هالرحله الطويله اللي قريناها أحب أقول لكن بإن القصص حقيقه وإن البنات أنا أعرفهن منهن اللي علاقتنا بها علاقة أخت ومنهن اللي تعتبر زميله لنا
لكن كل وحده تركت أثارها على خد الزمن عبره لمن تعتبر
قال تعالى ( فإعتبروا يا أولي الأبصار)
وبعض القصص أرسلتها أنا لشيخ من الشيوخ الفضلاء وهو وشيخ ثاني بعد الله وحده اللي يعرفون القصص كامله ويعرفون صاحباتها
بنات هذا بلوتوث مؤثر أتمنى من الجميع الدخول عليه
( ملحوظه ترى الرابط لمركز تحميل ملفات يعني مهوب لمواقع آخرى وياليت الفايده تعم على الجميع )
http://up5.m5zn.com/i0in1pbuzf03/ite...GtWlAs.3gp.htm
http://up5.m5zn.com/9b4b74esjrfz/allqet.3gp.htm




تعبنااااااااااااااااااااااااااا بكى عليك وأنتي ماتحسين يابنت حنا خواتك بالدين حرام اللي تسوينه بهلك حرام حنا نتقطع عليك مليووووون مره إصحي خلالالالالالالالاص كفاك جهل وكفاك ظلمى ليه تذبحين معاني البراءه وتذبحين دينك عشان ذيب مايسوى تراب رجليك أصحي تراااااااااااااانا غصب عنك ياخيه نغليك لأنك إختنا بالدين غصب عنك
أختك في الله
وجااااااااااااااااااااااين
(( بنات إدعن لوالدي بالرحمه والمغفره ولأمي بطولة العمر على الطاعه))

يالله ياااااااااااااااااااااااااااااااااوجاين

ماشاء الله عليكي وفيتي وكفيتي باذن الله

الله فوق ساابع سماء عالم بعبده الله كريم

ياااااااااااااااااوجاين يااليت البناات يتعظن بس تجيك وحده وتقولك اناا مو مثل هذي وهذيك اناا غير اناا ماراح اطيح زيهن ومن هالكلااااام وبالاخير تجي تقولك ياليتني وياليتني سمعت هالكلام كان وكاااان


الله يكون بعون الجميع يااارب يالله

اللهم اصلح اولاد المسلمين اللهم اصلح بنااااات المسلمين

الله يعين يااوجاين يااارب يعم الفايده يااارب ويهديهم يااارب

اللهم ارحم والد وجاين بواسع رحمتك واغفر له وادخله الفردوووس الاعلى يااارب واحفظ امهاا يااارب وقوهااا على طاعتك ياااحيي ياقيوم برحمتك ياااارحم الراحمين