ياهم لي رب كبييييييييييييييييير
--------------------------------------------------------------------------------
بسم الله الرحمان الرحيم
السلام عليكم ورحمة الله وبركاته
والصلاة والسلام على خاتم الأنبياء والمرسلين نبينا محمد وعلى آله وصحبه أجمعين ومن تبعه بإحسان إلى يوم الدين
&&&&&&ياهم لي رب كبييييييييييييييييييييييييييييييير&&&&&&
عباره إذا قلناها نحس إنها زلزال تزلزل الكون من حولنا تزلزل مشاعرنا أحاسيسنا وهمومنا
عباره المهم فيها معناها والفعل اللي يصدر عنها ومهوب مهم قولها بس
من منا إذا زادت جروحها وكثرت طعنات البشر حولها تلجأ لربها وتقول ياهم لي رب كبير!!!!!!!!!!!!!!!!
من منا إذا ضاقت الدنيا عليها وضاعت دروبها تقول ياهم لي رب كبير!!!!!!
من منا إذا هاج موج الحياه بوجهها وقربت تغرق تقول ياهم لي رب كبير!!!!!!
من منا إذا ماأظلمت الدنيا بعينها وغاب شعاع النور بقلبها تقول ياهم لي رب كبير !!!!
من منا إذا ماتسكرت بوجهها أبواب المخاليق تطق باب الكريم وتقول ياهم لي رب كبير!!!!!!!!
من منا إذا ماصابها سهم الغدر تروح أول حاجه وتشكي للجبار وتواجه الهم وتقول ياهم لي رب كبير !!!!!!
لهذي الدرجه صرنا نتعلق بالناس وأول ماننجرح نقول وين الشفى وننسى الشافي!!!!!!
لهذي الدرجه تضيع معالمنا بالحياه وأفراحنا وبسماتنا ويصير عمرنا كله متوقف على نعمه وحده بس فقدنها !!!!!!!!!!!
لهذي الدرجه نصير هلوعات جازعات من الهم بدل مانلجأ للي بيده ملكوت كل شيء وهو على كل شيء قدير!!!!!!!
لهذي الدرجه تضيع أهدافنا بالدنيا ونقعد نطارد فلانه وعلانه هذي فيها وهذي عليها وهذيك مسكينه وهذي تستاهل وكأننا حنا اللي بيدنا خزائن السماوات والأرض ونقسم الأرزاق على الخلق !!!!!!!!
ليه حنا كذا سلبيات بكل شي إذا الله أعطانا نعمه تجبرنا وإذا إنكسرنا بهم جزعنا !!!!!!!!!!
ليه حنا كذا نقتل إنسانيتنا بيدنا ونجلد غيرنا بألسنتنا ولا كأنا من لحم ودم وكلنا عيال آدم وحواء!!!!!!!!
ليه حنا نقول الله ضاقت علينا الدنيا وتسكرت وحنا مالنا أحد وإدعن لنا وحنا وحنا وحنا وننسى إن المصيبه ماهي إلا إختبار وإذا نبي نعديه مالنا غير طريق واحد وهو الإعتصام بالله سبحانه !!!!!!!
ليه حنا نحاسب الناس على مواقفنا معهم ونحس بأنا أصحاب فضل ولو يخطؤن بشي بسيط قامت الدنيا ماقعدت ونسينا إنا أساسا مقصرين بحق الله سبحانه اللي فضله على كل البشر !!!!!!!!!!!
المشكله مهيب بالهم اللي ياكل أرواحنا المشكله بأرواحنا نفسها بنيناها على أركان متزعزه من جزع وخوف و تسرع
الحل خواااااااااااتي بسيط جدا
إذا صابكن هم لا تشكن للناس بالبدايه وأشكن لرب العزه والجلال اللي مايعجزه شي في السموات والأرض وهو السميع العليم
اللي أمسك السموات السبع أن تقع على الأرض قادر على أن يرحمك ويفرج همك ومابذلك على الله بعزيز
الحل إذا جاتك هموم إدعي الجباااااااااااااااااااااااااااااااااااااار وقولي يارب فرج كربتي يارب مالي غيرك إن طردتني من يؤيني وإنكسري لعل الله يشوف صدقك فيرحمك
أخووووووووووووووووووواتي أنا كتبت الموضوع عشان كل وحده تقول لنا عن موقف دعت الله فيه وتوكلت على الحسيب الجبار وقالت ياهم لي رب كبيرفلقت الفرج والإجابه والرحمه تكتب لنا هذا الموقف يعني هذا دعوه للمشاركه بمواقف الحياه لعل الله يكتب لنا من موقف كل وحده الهمه والعظه عشان نقهر الهم ونقول ياهم لي رب كبيييييييييييييييييير
أختكن في الله
وجااااااااااااااااااااااااااااااااااااااااااين