شيلة جابرالكاسر في قصيدة بدهان الشمري

السلام عليكم ورحمته الله وبركاته

هلا بكن يالغلا اليوم جايبه لكن شيلة لجابر الكاسر


بعنوان تكــــــــــــــــــــــــــــــفى ياقبلان



ااااااااااااااااه طبعا هذه الشيله تبكي غصب اللي مايبكي



لاحول ولاقوة الا بالله االله لايجعلنا في موضعه


قصته صراحه مااعرفها بالضبط لانوا كلن يقول شي بس المعروووووف


ان بدهان الشمري قتل ولد قبلان الشراري وامسكوه الحكومه وبدهان ندم وكتب هالقصيده



يطلب قبلان العفوا عنه والعتق ولكن وللاسف قبلان ماتنازل عن حقه ونفذ


القصااااااص









اسمعن القصيده بشيلة جابر الكاسر





http://www.abo-almohnad.com/up/anashed/TkfaYaGblan.rm



سميـت بإسـم الله ربـن ورحمـان
الواحـد اللـي لكعبتـه يسـجـدون
اللي خلق بالكـون جانـن وإنسـان
ولعبـادة الله يومـهـم يخلقـونـي
ومن بعـد ذكـر الله يقـول بدهـــان
بالخط الأبيض في ظـلام السجونـي
سـلام يانسـل الكرامـه ياقـبـلان
إعـداد مابرقـن لعـج بالمـزونـي
وإعداد مايسمع صـدا صـوت الإذان
وإعداد مايضوي صحى الشمس كوني
وإعداد مافوح شـذا ريـح ريحـان
وإعداد ماورقـن سجـع باللحونـي
وإعداد خلق الله في شتـاء الأزمـان
ومن قبل خلـق آدم يامـا يبعثونـي
وسلام لعيالـه هـل العـز والشـان
عيالـن عـن الطـولات ماينثنونـي
ولأعمامهم منـي سلامـن بتيجـان
ولأخوالهم سـلام فـي كـل لونـي
وعم القبيله عـم مـن دون نقصـان
سـلام يحونـه خفايـا شجـونـي
ولإشيوخهم مني سلامـن بمرجـان
وأعمهم مـن غيـر دونـن ودونـي
مني سلامن في سلامن لـه أركـان
سلام خـاص وعـام مابـه ظنونـي
إعداد ماقالوا هـل الديـن سبحـان
وإعـداد مالخلاقـهـم يركعـونـي
وإعداد مانجمن سطع فوقـن وبـان
وإعداد مالساعات تجـرح شجونـي
ومن بعدهـا قبـلان قبـلان قبـلان
تكفـى تـرا تكفـى تهـز المتونـي
والمعضله ماله سوا رجـال الإيمـان
وإنتـم رجـال لـه ولا تنثنـونـي
أنا سجينك وأطلب العفـو وإحسـان
تكفـى رجيتـك لا لنـا يذبحـونـي
غلطه غلطته كلـه أسبـاب شيطـان
وقبـلان ياقبـلان قـبـلان قـبـلان
تكفـى تـرا تكفـى تهـز المتونـي
أخطيت أنا واليـوم بإيـدي سجـان
وأرجوك عطفـك يالأبـو الحنونـي


وقبـلان ياقبـلان قـبـلان قـبـلان
تكفـى تـرا تكفـى تهـز المتونـي





وقبـلان ياقبـلان قـبـلان قـبـلان
تكفـى تـرا تكفـى تهـز المتونـي
مايرجع المقتول فـي قتـل بدهـان
ووالله لـو يرجـع لاقـول إقتلونـي
وتكفى وأنامديون لـك وإنـت ديـان
غمض عليهـا وأعتقـن لا تهونـي
وأنا ولدك في كل مجلـس وميـدان
ورهن الإشاره وحاضر بمـا تبونـي
وقبـلان ياقبـلان قـبـلان قـبـلان
تكفـى تـرا تكفـى تهـز المتونـي
ماقول أنا مانـي بمخطـي وغلطـان
والله مخطي والخطـاء بكـل لونـي
لعب علـي إبليـس واليـوم ندمـان
كنت بجهل صغري وذقت السجونـي
ياماجرعت الهم مع ويـل الأحـزان
وبكيت ناس ونـاس واجـد بكونـي
وقبـلان ياقبـلان قـبـلان قـبـلان
تكفـى تـرا تكفـى تهـز المتونـي
تكفى وفيك الخيـر ياطيـر حـوران
أرجوك عن ساحه بهـا يكلبشونـي
تكفى تحل العقـد يـاذرب الأيمـان
بدمعن على خـدي وأتلـف عيونـي
أخوك أنا بالدين وأرجـوك الإحسـان
تكفى طلبتك من صميـم الشجونـي
وقبـلان ياقبـلان قـبـلان قـبـلان
تكفـى تـرا تكفـى تهـز المتونـي
أمانتـك بالله يالـذيـب سـرحـان
أنـا دخيلـك ويـن مانتـه تكونـي
وعسى الفقيد بمنزلـن كلـه جنـان
آميـن ياللـي لكعبتـك يركعـونـي
وتالي الحياة فكل مـن فوقهـا فـان
ولا دايـم ألا وجـه ربـي بكونـي
وقبـلان ياقبـلان قـبـلان قـبـلان
تكفـى تـرا تكفـى تهـز المتونـي
تكفى لي أرحم وأعتق اليوم بدهـان
دخيلـك اللـي يطلبـك بالسجونـي
وعلى الرسول المصطفى نسل عدنان
صـلاة ربـي عـد وبـل المزونـي




انا لله وانا اليه راجعون

ان لله وانا اليه راجعون

والله هالقصيده صااارت متداوله بين الناس والله حتى الاطفال يقصدون
تكفى يااقبلان تكفى ياقبلان ....
والله انها تبكي تحسين انها طالعه من قلبه الله يرحمه ان شااء الله ...

( الله يسعدك ان شاء الله ويبعد عنا مصاايب الدنيا قولن امين)

مشكورررررررررررررررررره
الله يجزاك جنانه على المجهود الرائع
بنوته
صادقه هالقصيده تبكي الحجر
الله يرحمه ويدخله فسيح جناته ويتجاوز عنه ويغفر ذنبه
ويرحمه وجميع موتى المسلمين

على فكره يالغلا

في بيت يقول يالعنبو يومن جرالي بكوني

هذا بحذفه نظرا لانه فيه سب للدهر وهذا حررررررام


وايضا لمن يقول تكفى بامك




ايضا هذا حلف باالام وهذا لايجوز


الحلف بالله فقط


المفرووووووووووووض يقول بربك



وصراحه في ابيات راح احذفها لانها متشابهه في الحكم مع اللي قلته قبل اشوي